Багануурын цуурай

Хурдлан дүүлэх шувуун саарлын нутаг
Хөрсөн доороо баян эрдэнийн уурхайтай
Халуун үйлдвэрийн амь нас болсон
Хархан алтны их сан ундраатай
          Багануур минь дуулж байна
          Их үйлсийн дуулиан нүргэн байна
Чамайг гэсээр зорьсон ажлын цуваа
Намайг дуудахаар яарсаар ийшээ би ирлээ
Чадал хүчээ зорьсоор дүүлсээр
Найз минь чамтай хамтдаан ирлээ би
         Өрнүүн ажлын цуурайтай
         Өгөөмөр уужим талбай байна
Бүтээх ялах эрдмийн эзэн биднүүст
Бүхнийг цогцлоох эрдэм чадвар бүрэн байна
Хатуу бэрх туулах хүслээрээн
Хамаг бидний үйлс цуутай байна
         Багануур минь дуудаж байна
         Байгуулахаар бид нар ирцгээж байна
Гал шиг халуун найрамдлын илчээр
Газар дэлхийн нууцыг бид нар нээсээр байна
Ган шиг хатуу найрсахын ёсоор
Гариг дэлхийг өөрчлөн байгуулж байна
        Анд зөвлөлт нөхрийн маань
        Агуу их найзын тусламж байна

Д.Батсүрэн